Унда авторҙың алғы һыҙыҡтағы, шулай уҡ Мариуполдә, Донецкиҙа, Волновахта, Луганскиҙа һәм башҡа ҡалаларҙа төшөргән дүрт тиҫтәләп эше тәҡдим ителгән. Бында башлыса емерелгән йорттар, махсус техника һәм кешеләр һүрәтләнгән. Һәр фотоһүрәт - кемдеңдер тормошо. Бер нәмә лә уйлап сығарылмаған, режиссерлыҡ талап ителмәгән. Һәм был фотолар беҙгә объектив картинаны аңларға, ғәҙеллекте тергеҙергә ярҙам итә. Эштәр авторы Владимир Аносов - элекке хәрби кадр, запастағы майор, баштан уҡ «Российская газета»ның махсус хәрби фотохәбәрсеһе. Уның эштәре менән беренсе күргәҙмә 2022 йылдың июнендә баҫманың Мәскәү редакцияһында асыла һәм Краснодар, Сочи, Санкт-Петербург һәм Рәсәйҙең башҡа ҡалаларында була.