Дәүләт Думаһы комитеты рәйесе урынбаҫары, «Берҙәм Рәсәй» партияһының үҙәк башҡарма комитеты етәксеһе урынбаҫары Наталья Орлова партияның Башҡортостандағы беренсел бүлексәләре ағзалары менән осрашты. Әңгәмәлә алда торған сәйәси кампанияларға әҙерлек, урындағы халыҡ менән эшләү, йәмғиәткә партия алып барған сәйәсәтте, эш һөҙөмтәләрен еткереү мәсьәләләре күтәрелде. Быйыл «Берҙәм Рәсәй» партияһы тап беренсел бүлексәләр йыллығы иғлан иткән. Сөнки тап уларҙың эшмәкәрлеге халыҡ менән тығыҙ бәйле. Йәмғиәтте борсоған көнүҙәк мәсьәләләрҙе власть органдарына еткереү, уларҙы хәл итеүҙә лә беренсел бүлексәләр ҙур роль башҡара, тине Наталья Орлова.