Өфөлә тимер юл вокзалы платформаһында «ялған» алкоголь менән сауҙа иткән һәм поезд пассажирҙарын ағыулаған ҡатын ҡулға алынды.
«Хәүефһеҙ республика» проекты активистары граждандарҙың ялыуҙары буйынса транспорт полицияһы идаралығы хеҙмәткәрҙәре менән бергә спиртлы продукцияһының законһыҙ әйләнешен тикшерҙе. Сара барышында улар бер нисә ҡатындан контроль һатып алыу ойоштора. Шул иҫәптән, пластик һауыттарҙа акциз маркаһыҙ алкоголь менән сауҙа итеүсеһенән дә. Активистар әйтеүенсә, ғәйепләнеүсе ҡулға алынғанда дәғүәләргә ризаһыҙлығын белдереп полиция хеҙмәткәрҙәренең береһенә ташланған.