Өфөгә «Салауат Юлаев» клубы менән бер йыллыҡ килешеү төҙөгән Канада һөжүмсеһе Нэйтан Тодд килде. Баш ҡала аэропортында легионер Башҡортостанға күсеү тәьҫораттары менән уртаҡлашты. «Ҡатыным менән Өфөгә килеүебеҙгә бик шатбыҙ. Контрактҡа ҡул ҡуйыр алдынан Александр Хмелевский һәм Шакир Мөхәмәҙуллин менән аралаштым. КХЛ - бик яҡшы һәм конкурентлы лига. Мин бында бер маҡсат менән килдем - юлаевсыларҙың һөжүмдәге уйынын көсәйтергә һәм еңеү яуларға теләйем - тип билдәләгән Нэйтан Тодд.