Радий Хәбиров социаль селтәрҙәрҙә күп функциялы үҙәктәргә мөрәжәғәт итеүҙең өҫтөнлөктәре тураһында һөйләне. Төбәк етәксеһе белдереүенсә, офистар төрлө категория клиенттар өсөн дә уңайлы, уларҙы аҙ хәрәкәт итеүсән граждандар өсөн ҡулай итеп эшләргә тырышалар. «Күп функциялы үҙәктәрҙә көтөү ваҡыты ҡыҫҡарҙы, күрһәтелгән хеҙмәттәр киреһенсә артты. Әле һәр офиста улар уртаса -380. Бынан тыш, хеҙмәттәрҙе электрон рәүештә лә алырға мөмкин.», тип яҙған Радий Хәбиров.