Радий Хәбиров Милли музейҙа Екатерина Рождественскаяның «Өфөгә һөйөү менән» тип аталған фотокүргәҙмәһен асыуҙа ҡатнашты. Фотопроект Башҡортостандың баш ҡалаһының 450 йыллығына арнала. Ул заман, быуын бәйләнешен символлаштыра һәм төбәкте популярлаштырыуға булышлыҡ итәсәк, тиелде күргәҙмәне асыу тантанаһында.
Проект авторы рәсәйҙең эстрада, театр, кино, спорт йондоҙҙары, рәссамдары һәм яҙыусыларын башҡорт сувенирҙары менән һүрәтләгән. Фотолар Өфөлә һәм Мәскәүҙә төшөрөлгән.
Музейҙа шулай уҡ билдәле фотохәбәрселәр Вячеслав Стрижевский һәм Рәиф Баҙыҡовтың «Өфө - 450. Кешеләр һәм ҡала» фотокүргәҙмәһе эшләй. Экспозицияла ҡаланың тарихы һәм бөгөнгөһө сағыла. Күргәҙмә Өфөнөң үҫешенә ҙур өлөш индергән кешеләр тураһында хәтерҙе һаҡлауҙың мөһим миҫалы булып тора.