Өфөләге «Мир» сауҙа комплексында Күп функциялы үҙәктең яңыртылған залы асылды. Хәҙер унда айырым инеү урыны бар. Граждандарға дәүләт хеҙмәттәрен күрһәтеүсе офис иркен булыуы менән айырыла, барлығы 21 тәҙрә эшләй. Сиратта ваҡытты файҙалы итеп үткәрергә теләүселәргә - уҡыу, ә бәләкәйҙәргә балалар мөйөшө ойошторолған, һаулыҡ мөмкинлектәре сикләнгәндәр өсөн пандустар булдырылған. Әлеге ваҡытта Күп функциялы үҙәктең һәр офисында 380-гә яҡын хеҙмәт күрһәтелә.