Ғәҙәттән тыш хәлдәр министрлығы хеҙмәткәрҙәре Стәрлетамаҡ нефть-химия заводында теркәлгән янғынды һүндерҙе. Оператив мәғлүмәт буйынса, ут газ торбалары тишелеү һөҙөмтәһендә сыҡҡан. Уны һүндереүгә 17 берәмек техника,41 ҡотҡарыусы йәлеп ителгән. Йәрәхәтләнгән өс ир ауыр хәлдә дауаханаға оҙатылған. Ваҡиға урынында янғын һүндереүселәр һәм тәфтиш комитеты белгестәре эшләй. Осраҡ буйынса енәйәт эше ҡуҙғатылған.