Батыр даны мәңгелек. Хәйбулла районынан махсус хәрби операция яугире Динар Билалов Георгий Жуков миҙалына күрһәтелде. Динар Билалов өлөшләтә мобилизация башланғас, Ҡораллы көстәр сафына баҫа. Ул 428-се мотоуҡсылар полкында взвод командиры була. Рәсәй Оборона министрлығының 2-се дәрәжә Хәрби батырлығы өсөн миҙалы менән бүләкләнә. Динар былтыр декабрҙә хәрби бурысын үтәгәндә батырҙарса һәләк була. Яугир, үлгәндән һуң, “Батырлыҡ өсөн” һәм Генерал Шайморатов ордендарына күрһәтелә. Дәүләт наградалары Динар Билаловтың ғаиләһенә тапшырыла.