Төбәк башлығы Радий Хәбиров социаль селтәрҙәрҙә яҙыуынса, 2023 йылдың декабренән бында 462 спектакль уйналған, уларҙы 81 меңдән ашыу тамашасы ҡараған. Билдәле булыуынса, былтыр декабрҙә артистар «Мәҙәниәт» милли проекты буйынса үткәрелгән ҙур реконструкциянан һуң тәүге спектакль ҡуйҙы. Яңы миҙгелдә премьералар, республика буйлап гастролдәр, фестивалдәргә йөрөү ҡаралған. 26-29 сентябрҙә Сергей Образцов исемендәге легендар дәүләт академия үҙәк ҡурсаҡ театры килә. Уның артистары алтын фондтан бер нисә спектакль күрһәтәсәк. Октябрҙә театрҙа мультимедиа уйын залы ла асыла. Компьютер технологиялары ярҙамында балалар һәм ата-әсәләр башҡорт мәҙәниәте, йолалары һәм риүәйәттәре менән таныша аласаҡ, тип яҙған Башҡортостан башлығы.