Баш ҡала хакимиәте башлығы Ратмир Мәүлиев социаль селтәрҙәге сәхифәһендә ошо турала белдергән. “3 айҙан әҙерәк ваҡыт эсендә биләмә тәртипкә килтерелде. Баш ҡала халҡы һәм ҡунаҡтар өсөн яңы йәмәғәт урыны булдырылды. Ял зонаһы һәм тирә-яҡты күҙәтеү майҙансығын күптәр яратып өлгөрҙө. Артабан башняға реконструкция яһала, был эш бер нисә өлөштән тора. Объекттың тарихи йөҙө һаҡланасаҡ”, - тип яҙған ул.