- Ил президенты Владимир Путин ҡарары менән сараны уҙғарыу урыны итеп тәүге тапҡыр Өфө һайланды. Был - беҙҙең республика өсөн иң ҙур ваҡиғаларҙың береһе. Төрлө илдәрҙән 5 мең кеше килде. Улар спорт үҫешенә ҡағылышлы көнүҙәк проблемалар буйынса фекер алыша, тәжрибә уртаҡлаша, - тине Радий Хәбиров. "Рәсәй - спорт державаһы" форумында ил етәксеһе ҡатнаша. Владимир Путин етәкселегендә Физик культура һәм спортты үҫтереү буйынса совет ултырышы үтергә тейеш. Өфөлә форум бөгөн башланды һәм 19 октябргә тиклем бара.