Өфөнән Әлиә Шар декрет ялында балалар өсөн әҫәрҙәр яҙа башлап, үҙ уҡыусыларын тапҡан. Яңыраҡ ҡына «Софи һәм Мур ҡушаматлы бесәй балаһы» әкиәте айырым әҙәби-художество баҫма булып донъя күргән. Автор балалар әҙәбиәтенән тыш, мөхәббәт романдары, фантастика жанрҙарында ла уңышлы эшләй, шиғырҙар, йырҙар яҙа.
Яңы йыйынтыҡ рәссам-педагог Раушаниә Лоҡманованың сағыу һүрәттәре менән байытылған. Китап авторы менән ул артабан да берҙәм ижади проекттар өҫтөндә эшләргә иҫәп тота. Кескәйҙәр өсөн төрлө оҫталыҡ дәрестәре уҙғарыу ҡаралған.