Әбйәлил районы Ҡаҙмаш ауылы егеттәре махсус хәрби операциялағы яҡташтарына тәгәрмәсле мобиль мунса эшләй.Ҡаҙмаштар алғы һыҙыҡтағы егеттәргә тәүге көндән үк гуманитар ярҙам ойоштора. Аҙыҡ-түлек, йылы кейемдәр, көнкүреш кәрәк-яраҡтары оҙатыла. Былтыр улар яугирҙар өсөн мобиль мунса ла эшләй башлаған.
Бер мунсаны эшләү 50-60 мең һумға төшә. Оҫтарып алған егеттәр тәүҙә тимер һәм ағас материалдар һатып ала, профилдәрҙе иретеп -йәбештәрә, көпләй,тәгәрмәстәр ҡуя. Махсус хәрби операциянан ҡыҫҡа ваҡытлы ялға ҡайтҡан «Егерь» ҡушаматлы яугир әйтеүенсә, мобиль мунса алғы һыҙыҡта иң кәрәкле әйбер.