Улар ауыр осраҡтарҙа әсә һәм бала ғүмерен һаҡлап ҡалыу өсөн мөмкин булғандың бөтәһен дә эшләй. Был стеналарҙа хатта Мария Королева кеүек бишенсе тапҡыр әсә булыу бәхетен татыусы ҡатын-ҡыҙҙар ҙа бар. Һирәк осраҡтарҙа бала тыуҙырыу мәлендә ғаилә башлыҡтары ла ярҙамға килә. Евгения Ғәлимованың хәләле ҡатынына һыу биргән, яғымлы һүҙҙәр әйткән, яурындарын тотоп торған. Ә Ғәлиә Исмәғилева иһә был медицина учреждениеһында өсөнсөгә әсә булыу бәхетен татыған.
8-cе бала табыу йорто табибтары ошо сабыйҙарҙың әсәйҙәре кеүек үк, тәүлек әйләнәһенә эшләй. Улар ҡулдарына имен-һау тыуған бәләкәй генә мөғжизә- тере йәнде алып ҡыуана. Был сабыйҙар улар менән башҡа бер ҡасанда осрашмауы мөмкин, әммә һәр кем үҙенә донъя ишеген асырға булышлыҡ иткән табипҡа сикһеҙ рәхмәтле .