Әхмәтзәки Вәлиди исемендәге Милли китапханала «Башҡортостан республикаһы халыҡтары атласы»ның исем туйы үтте. Түңәрәк өҫтәл эшендә Башҡортостан фәндәр академияһының стратегик тикшеренеүҙәр институты ғалимдары, журналистар, йәмәғәтселек вәкилдәре һәм республика китапханалары хеҙмәткәрҙәре ҡатнашты.
«Башҡортостан республикаһы халыҡтары атласы»нда төбәктең мәҙәни-этник төрлөлөгө сағыла. Китапта төбәктә йәшәгән милләттәргә ҡағылышлы тарихи факттар, йолалар, ғөрөф-ғәҙәттәр һүрәтләнгән.