«Лада Веста» һәм «Москвич» машиналарында хәрәкәт иткән экипаж ил буйынса 100 мең километрҙы үтмәксе. Сәфәр апрелдә «Рәсәй - мөмкинлектәр иле» күргәҙмәһе майҙанынан башланған һәм, план буйынса, ноябрь аҙағында Санкт-Петербург ҡалаһында тамаланырға тейеш. Башҡортостан - сәйәхәтселәр маршрутында 74-се төбәк. Уларға тағы ла 11 субъект аша 11 мең саҡрым үтәһе бар. Ойоштороусылар әйтеүенсә, улар махсус рәүештә ватан машиналарында сәфәргә сыҡҡан. Автомобилдәр юл һынауын яҡшы үткәрә. 100 мең километр араны уҙғандан һуң, был күренеш «Рәсәй рекордтар китабы»нда теркәләсәк.