Күгәрсен районында 1812 йылғы Ватан һуғышы яугирҙары иҫтәлегенә стела һәм башҡорт балын донъя кимәленә Әмир Ишемғоловтың тыуған йортонда таҡтаташ асылды.
Бикес ауылында тарихи үткәндәргә һәм шәхестәргә ихтирмлы халыҡ йәшәй. Урындағы мәҙәниәт йорто алдында 1812 йылғы Ватан һуғышында ҡатнашҡан ауылдаштар, яҡташтар иҫтәлеген мәңгеләштереп таҡтаташ асылды. Ҡара гранитта Арыҫланбәковтар, Ишемғоловтар, Ҡараҙбаевтар, Ишкилдиндар һәм башҡа исем-фамилиялар яҙылған. Рәсәй дәүләтен француздарҙан яҡлап ҡулына ҡорал алыусыларҙың күптәре яу яланында башын һалған. Уларҙың нәҫел ебен бөгөн вариҫтары лайыҡлы дауам итә.
Республика халыҡ медицинаһы һәм апитерапия үҙәгенә нигеҙ һалыусы, башҡорт балы данын бөтә донъяға таратыусы Әмир Ишемғоловтың исеме ғалимдың тыуған йортонда мәрмәр таҡтаташта мәңгеләштерелде. Әлеге ваҡытта ғалим тыуған йортта әсәһе Шәүрә Сөнәғәт ҡыҙы ғүмер итә. Яҡташтары арҙаҡлы шәхес хаҡында фильм төшөрөргә, китап сығарырға ниәтләй.