Евразия фәнни-белем биреү үҙәгенең вуз-ара студенттар кампусында Чечен республикаһы менән Башҡортостан араһында туристик бәйләнештәрҙе үҫтереү мөмкинлектәре ҡаралды.
Сарала ҡунаҡтар үҙ төбәгенең туристик потенциалы, иҫтәлекле урындары һәм тәҡдим ителгән турҙары менән таныштырҙы. Улар Башҡортостан вәкилдәренә ял итеү һәм экскурсиялар уҙғарыу мөмкинлектәре тураһында видеояҙма, махсус буклеттар тәҡдим итте. Башҡортостан туроператорҙары үҙ сиратында Чечен республикаһы вәкилдәрен ҡыҙыҡһындырған һорауҙарға яуап бирҙе. Артабанғы партнерлыҡ бәйләнештәрен нығытыу, хеҙмәттәшлек итеү юлдары барланды.