Башҡортостан башлығы Радий Хәбиров Өфөнөң Кузнецов Затоны биҫтәһендә балалар һәм өлкәндәр өсөн асылған поликлиника филиалдарын ҡараны. Ике медицина учреждениеһы ла бер үк адрес буйынса күп фатирлы йорттоң беренсе ҡатында урынлашҡан. Унда участка педиатрҙары һәм терапевтарҙан консультация алыуҙан тыш, УЗИ, ЭКГ кеүек тикшеренеүҙәр үтергә була. Тиҙ үҫешкән биләмәлә беренсел медицина ярҙамына ихтыяж юғары булған, урындағы халыҡ билдәләүенсә, хәҙер алыҫ йөрөргә кәрәкмәй, йорт эргәһендә генә - яңы поликлиника.