Беҙҙең менән бергә булыуығыҙ өсөн рәхмәт! «Башҡортостан» мотоуҡсылар полкы командованиеһы махсус хәрби операция барышын яҡтыртҡан республика журналистарына рәхмәт белдерҙе. Бүләкләнеүселәр араһында - журналистар десанты составында барған шағирә һәм йәмәғәт эшмәкәре Лариса Абдуллина, коллегабыҙ, БСТ каналы журналисы Гүзәл Хәмитова ла бар. Тиҫтәләрсә телесюжет, тапшырыуҙар һәм гәзит-журналдар өсөн махсус яҙылған мәҡәләләр Рәсәйҙең яңы төбәктәрендә әҙерләнгән.
Хәрби бурысын үтәгәндә күрһәткән ҡаһарманлығы өсөн Жуков һәм Шайморатов миҙалдары менән яраланғандан һуң реабилитацияланған хәрби хеҙмәткәрҙәрҙең береһе билдәләнде. Хеҙмәттәштәре әйтеүенсә, Башҡортостан журналистары дөйөм Еңеүгә өлөш индерә, шул иҫәптән мәғлүмәт фронтында ла әүҙем эшмәкәрлек алып бара. Улар халыҡҡа үҙ күҙҙәре менән күргән дөрөҫ мәғлүмәт еткерә. Әйткәндәй, яҡын арала Шәһит Хоҙайбирҙин музейында махсус хәрби операцияға бәйле күргәҙмә ойоштороу күҙаллана.