Беҙ Рәсәй Президентына Ишембайға «Хеҙмәт ҡаһарманлығы ҡалаһы» тигән маҡтаулы исем бирергә ҡарар иткәне өсөн рәхмәтлебеҙ. Бөгөн Владимир Путин ошо туралағы указға ҡул ҡуйҙы. Башҡортостан башлығы Радий Хәбиров социаль селтәрҙәрҙә ҡыуаныслы яңылыҡ менән уртаҡлашып, был Бөйөк Еңеүҙең 80 йыллығын байрам итеү йылында булыуын билдәләне.
Бөйөк Ватан һуғышы ваҡытында тап Ишембай фронт ихтыяждарын тәьмин итә. Бында 4 ярым миллион тонна нефть сығарыла, был СССР-ҙа һуғыш йылдарында алынған бөтә нефттең дүрттән бер өлөшө. Ишембай Өфөнән һуң Башҡортостанда икенсе «Хеҙмәт ҡаһарманлығы ҡалаһы» булды. Республика халҡы фронтта һәм тылда күрһәткән батырлыҡтары, көндәлек фиҙаҡәр хеҙмәте менән еңеүҙе яҡынайта. Һуңғы йылдарҙа Ишембай бик әүҙем үҫешә. Ҡалала матур парктар, скверҙар барлыҡҡа килде, төп майҙан - башҡорт нефтен асыусылар төҙөкләндерелде.
Иҡтисад яҡшы эшләй, шул иҫәптән «Алға» айырым иҡтисади зонаһы һәм, әлбиттә, Ишембайҙың тырыш халҡы һөҙөмтәһендә. Ҡалала үҙгәртеп ҡороуҙар күп аҡса һалған «Башнефть» компанияһы ярҙамында ла бара. «Хеҙмәт ҡаһарманлығы ҡалаһы» стелаһын Ишембайҙың иң яҡшы урындарының береһендә ҡуйырбыҙ. Халыҡ менән кәңәшләшеп, уны бергәләп һайларбыҙ, тип яҙған Башҡортостан башлығы.