Дәүләт экспертизаһына ярашлы, Орджоникидзе һарайынан алып «Еңеү» кинотеатрына тиклем йөҙгә яҡын бинаны төҙөкләндереү күҙаллана. Үҙенсәлекле ансамбль уҙған быуаттың 50-се йылдарында архитектор Маргарита Куприянова проекты буйынса төҙөлгән. Черниковка йорттарындағы биҙәктәр, деталдәр, стилләштерелгән балкондар һәм тәҙрәләр реставрацияға һәм һаҡлауға мохтаж. Объекттарҙы яңыртыу буйынса төҙөлөш проекты быйыл әҙерләнер тип көтөлә.