Акция инде икенсе тапҡыр уҙғарыла һәм яугирҙарға ярҙам итергә теләүселәр артҡандан-арта. Унда ҡатнашыусылар маскировка селтәрҙәре үрҙе, окоп шәмдәре һәм башҡа кәрәк-яраҡтар әҙерләне. Был юлы етегә яҡын секция эшләне. Ирекмәндәр шулай уҡ оҙаҡ һаҡлана торған имбирь печеньеһы ла бешерҙе. Ҡыҫҡа ғына ваҡыт эсендә ҡатын-ҡыҙҙар яугирҙарға тәмле күстәнәс әҙерләне.
Һәр майҙансыҡ - уртаҡ эшкә тос өлөш индереүсе урын. Маскировка селтәрҙәренә беҙҙең яугирҙар хеҙмәт иткән барлыҡ йүнәлештәрҙә лә һорау ҙур. Шулай уҡ күңел йылыһын биреп яҙылған хаттар һәм ҡурсаҡ бетеүҙәр ҙә яугирҙарға хуш килә.