Был турала бөгөн журналистар менән осрашыуҙа баш ҡала хакимиәте башлығы Ратмир Мәүлиев хәбәр итте. Уның билдәләүенсә, әлеге ваҡытта муниципаль контракттарға ҡул ҡуйылған. Ҡар иреү менән халыҡ араһында мәғлүмәт-аңлатыу эше башлана, мәғлүмәт системаһының ниндәй тариф һәм нисек эшләүе менән таныштырыу ҡарала. Шулай уҡ юлдарға тейешле билдәләр һәм тамғалар ҡуйырға кәрәк, - тине ҡала мэры.
Бынан тыш быйыл Өфөнөң көньяҡ өлөшөндә трамвай селтәрҙәрен реконструкциялау башлана. Был маҡсатҡа республика бюджетынан 2 миллиард һум бүленә. Әлеге ваҡытта ҡала милкендә Польшала етештерелгән 20 трамвай иҫәпләнә, тағы ла шунса электр транспорты яҡын арала ҡайтарылыр тип көтөлә, ә сентябргә уларҙың һаны 69-ға тиклем арта. Ҡала мэры «Песа» трамвайҙарының сифаты менән ҡәнәғәт булыуын билдәләне.