Бөйөк Ватан һуғышында еңеүҙең 80 йыллығына һәм махсус хәрби операцияла ҡатнашыусыларға ярҙам йылына арналған бәйгелә төрлө йәштәге егеттәр бил һынашты. Милли көрәш беренселеге республиканың төрлө район-ҡалаларынан йыйылған 314 малайҙы берләштерҙе.
Борайҙа үткән милли көрәш беренселегендә 13 йәштән 16 йәшкә тиклем үҫмерҙәр ҡатнашты. Ике көн дауам иткән ярышта еңеүселәр Рәсәй беренселегендә сығыш яһаясаҡ. Төбәктә дөйөм алғанда 3 мең кеше көрәш менән шөғөлләнә. Милли спорт төрө менән шөғөлләнергә теләүселәр йылдан-йыл арта.