“Башҡортостан” полкының радиоэлектрон көрәш ротаһына гуманитар ярҙам тапшырылды

Яугирҙар өсөн кәрәк-яраҡтарҙы Саҡмағош районы әҙерләгән. Хәрби берләшмәлә башлыса ошо төбәк егеттәре хеҙмәт итә. “Беҙгә аҙыҡ-түлек, йылы кейем килтергәндәр. Шулай уҡ ҡорамалдар, нығытмалар эшләү өсөн төҙөлөш материалдары алдыҡ”, - ти Кеша ҡушаматлы яугир.

“Яугирҙарыбыҙ менән һәр ваҡыт бәйләнештә торабыҙ. Бөгөн уларға тыуған яҡтан ебәрелгән хаттарҙы ла алып килдек”, - ти Саҡмағош районы хакимиәте башлығының махсус хәрби операция мәсьәләләре буйынса кәңәшсеһе Айҙар Насиров.