Бөгөн Евразия фәнни-мәғариф үҙәгендә һайлап алыуҙың икенсе этабы үтте. Йәштәр хөкүмәте 2019 йылдан алып республика Хөкүмәте ҡарамағында кәңәшмә һәм консультация органы булып тора. Ул дәүләт һәм муниципаль хеҙмәтте популярлаштырыу маҡсатында булдырыла. Шулай уҡ социаль-иҡтисади мәсьәләләрҙе хәл итеүгә йәштәрҙең фекерен иҫәпкә алыу, урындағы үҙидара органдары өсөн кадрҙар әҙерләүгә йүнәлтелгән. Әле Йәштәр хөкүмәтенең 3-сө составы туплана. Әле 70-тән ашыу ғариза килгән. Улар араһынан һәләтле һәм инициатив кандидаттар һайлап алынасаҡ. Конкурс комиссияһына Башҡортостандың Йәштәр сәйәсәте буйынса дәүләт комитеты, төбәк башҡарма власть органдары вәкилдәре йәлеп ителгән.