Бөгөн Өфөлә Йәштәр форумы старт алды. Ул колледж һәм юғары уҡыу йорттары студенттарын, мәктәп уҡыусыларын һәм төҙөлөш компанияһы вәкилдәрен бер майҙанға йыйҙы.
Сара берәүҙәргә буласаҡ һөнәр һәм уның мөмкинлектәре тураһында мәғлүмәтте киңәйтеү, ә икенселәргә кадрҙар патенциалын баһалау һәм үҫтереү мөмкинлеге бирә. Егеттәр-ҡыҙҙар оҫталыҡ дәрестәрендә, практикум, түңәрәк өҫтәлдәрҙә ҡатнашты Ошонда уҡ интерактив уйындар, вакансиялар йәрминкәһе һәм экскурсия уҙғарылды. «Йәш белгес - киләсәк төҙөүсеһе» төбәк форумын Рәсәйҙең төҙөлөш һәм торлаҡ-коммуналь хужалыҡ министрлығы ойоштора. Әлегә тиклем ул Санкт-Петербургтан алып Көньяҡ-Сахалинға тиклем илдең 25 субъектында үткән.