«Черемушки» шифаханаһы базаһында улар ҡорал менән эш итергә өйрәнә. Шулай уҡ Башҡорт дәүләт медицина университеты хеҙмәткәрҙәре тактик медицина буйынса махсус уҡыу-уҡытыу сараларын алып бара. Яугирҙар уларҙан тәүге ярҙам күрһәтеү ҡағиҙәләрен үҙләштерә.
Хәтерегеҙгә төшөрәбеҙ, Башҡортостанда Рәсәй оборона министрлығы менән килешеү төҙөгән ир-егеттәргә республиканан түләүҙәр артты. Хәҙер улар бер тапҡыр 2 миллион, ә һуңынан ай һайын 210 мең һумдан юғары эш хаҡы ала. Шулай итеп, хеҙмәттең беренсе йылында һәр контрактсыға кәмендә 4,5 миллион һум түләнә. Һуңғы аҙна-ун көндә Рәсәй оборона министрлығы менән контракт төҙөүселәрҙең артыуын билдәләнә.