Йәмәғәт палатаһы вәкилдәре юридик, медицина, педагогия, индустриаль һәм агросәнәғәт колледждарында булып, ятаҡтарҙа йәшәү шарттары, ашханаларҙағы туҡланыу сифатын тикшерҙе.
Колледждарҙа 5 меңгә яҡын студент уҡый. Уларҙың яҡынса биштән бер өлөшө - етемдәр, һаулыҡ мөмкинлектәре сикләнгән йәштәр, күп балалы һәм аҙ тәьмин ителгән ғаиләләрҙә тәрбиәләнеүселәр. Һәр уҡыу йортонда ла гражданлыҡ-патриотик тәрбиә биреү алып барыла: Бөйөк Ватан Һуғышында Еңеүҙең 80 йыллығына саралар планы төҙөлгән, ирекмәнлек эшмәкәрлеге үҫешкән, студенттар маскировка селтәрҙәре үреүҙә, окоп шәмдәре эшләүҙә ҡатнаша.