40 йәште үткән һәр 6-сы кеше һәм 80 йәштән өлкәндәрҙең күп өлөшө катарактанан яфалана. Белгестәр билдәләүенсә, ул киң таралған күҙ ауырыуҙарының береһе. Бөгөн заманса диагностика һәм дауалау ҡорамалдары ярҙамында сир иртә стадияла асыҡлана. Өфөнөң 8-се ҡала клиник дауаханаһының 2-се микрохирургия бүлексәһендә көн һайын катарактаға 40-тан ашыу операция уҙғарыла. Ультратауыш ярҙамында башҡарылған процедура яҡынса 10-15 минут дауам итә. Дауалау учреждениеһында юғары технологиялы офтальмологик ярҙам баш ҡаланан тыш, республиканың төрлө район-ҡалаларында йәшәүселәргә лә күрһәтелә.