Авария хәлендә тип танылған объектта иҫке яҙыуҙар һүтелгән, әле тигеҙләү эштәре бара. Ремонт барышы менән баш ҡаланың Октябрь районы хакимиәте башлығы танышты. Төҙөкләндереү ун көн элек башланған, апрель аҙағына эш тулыһынса тамамланырға тейеш. Стелаға 228 яугир исеме кире беркетеләсәк, ә Ҡыҙыл йондоҙло бағана тулыһынса һүтелеп, урынына таш һын ҡуйылыр, тип көтөлә. Бынан тыш, паркты ла төҙөкләндереү эштәре көтә.