Ҡытай Башҡортостанға яҡынайҙы. Кисә Аэрофлот авиакомпанияһы Өфөнән билдәле диңгеҙ курорттарының береһе - Санья ҡалаһына тиклем тәүге тура рейсҡа сыҡты. Уны оҙатыу сараһы баш ҡала аэропортында тантаналы рәүештә үтте. Рейсҡа теркәлгән тәүге пассажирҙар иҫтәлекле бүләктәр алды, барыһы өсөн дә ҡытай сәй йолаһы ойошторолдо. Өфөнән Санья ҡалаһында тиклем рейстарҙы Airbus А330 һауа судноһы башҡара. Сәфәр ваҡыты 8 сәғәт ярым тәшкил итә. Тәүге рейс самолет тулы пассажирҙар менән юлланды.
Өфөнән Ҡытайға тиклем тура рейстар тәүге ваҡытта тик йәкшәмбе осһа, 3 апрелдән алып аҙнаһына ике тапҡыр - кесаҙна ла башҡарыласаҡ.