Ул 2 ай дауам итәсәк. Тәүге дәресте Өфөнөң 1-се республика полилингваль күп профилле гимназияһы уҡыусылары өсөн Лида Исәргәкова үткәрҙе. Йәмәғәт палатаһы рәйесе урынбаҫары йәмәғәтселәрҙең нимә менән шөғөлләнеүе, улар алдында ниндәй бурыстар ҡуйылыуы һәм тормошҡа ашырылған проекттар хаҡында һөйләне. Уҡыусыларға коммерцияға ҡарамаған ойошмаларҙың нимә икәнлеген һәм гранттар ярҙамында төрлө идеяларҙы тормошҡа ашырыу мөмкинлеге менән таныштырҙылар. Балалар үҙҙәре лә социаль проекттар яҙып «Росмолодежь» һәм «Беренселәр хәрәкәте»нән аҡсалата грант еңә ала.