Был буласаҡ әсәйҙәр өсөн генә түгел, тотош йәмғиәт өсөн дә мөһим. 2024 йылдан алып республикала репродуктив системаны тикшереү диспансеризация программаһына индерелде. Тап ошо проект ярҙамында 8-се ҡала клиник дауаханаһының бала табыу бүлеге пациенттары өсөн уңайлы шарттар булдырған. Күп профилле учреждениела буласаҡ ата-әсәләр өсөн бар кәрәкле анализдарҙы тапшырып, бала табыуға ентекле әҙерләнеү мөмкинлеге тыуҙырылған. Биш йылдан һуң Өфөнән Дилара Исламованың, ниһайәт, көтөлгән сабыйы донъяға килде.
Хәҙер буласаҡ ата-әсәләр бала табыуға яуаплы ҡарай. Улар диспансер тикшереү үтә, курстарға йөрөй, балаларҙы тәрбиәләү буйынса әҙәбиәт уҡый, ғөмүмән, етди әҙерлек алып бара. Шулай уҡ дауаханала ҡатын-ҡыҙҙар өсөн әсәлек мәктәбе лә ҡаралған, тәжрибәле табиптар һәм психологтар етәкселегендә ҡатын-ҡыҙҙар өсөн оҫталыҡ дәрестәре, файҙалы әңгәмәләр үткәрелә.