Кибермутлашыусыларға ҡаршы көрәш, шәхси мәғлүмәттәрҙе һаҡлау, социаль түләүҙәр күләмен индексациялау һәм башҡалар. Илдә бер нисә яңы закон проекты ҡабул ителде. Улар Өфөлә Дәүләт думаһы депутаты Ирина Панькинаның республика журналистары менән осрашыуында тикшерелде.
Бынан тыш, Дәүләт думаһында махсус хәрби операцияла ҡатнашҡан дин әһелдәренә ветеран статусын биреү проекты ҡарала. Ә икенсел баҙарҙа ғаилә ипотекаһы буйынса торлаҡ 1 апрелдән һатыла башланы. Уларҙы льготалы шарттарҙа Баймаҡ, Белорет, Бөрө, Благовещен, Дәүләкән, Ишембай, Мәләүез, Туймазы, Яңауыл, Ағиҙел, Межгорье, Күмертау, Салауат һәм Сибай ҡалаларында һатып алырға мөмкин.