Хәйбулла районында Бөйөк Еңеүҙең 80 йыллығы уңайынан «Быуындар хәтере» тип Еңеү фестиваленең беренсе туры уҙҙы. Фестивалдә Хәйбулла районының барлыҡ ауыл советы биләмәләре ҡатнашты. Маҡан, Федоровка, Таналыҡ, Сиҙәм ауыл советы биләмәләренең үҙешмәкәр артистары башҡарыуында һуғыш темаһына арналған йыр, бейеү, тамашалар күрһәтелде.
Сараға Маҡан ауылында тыуып үҫкән махсус хәрби операцияла ҡатнашыусы «Башҡорт» ҡушаматлы яугир ғаиләһе менән килгәйне. Ул үҙе хеҙмәт иткән часть исеменән Маҡан ауылы советы биләмәһе ирекмәндәренә рәхмәт ҡағыҙы тапшырҙы. Федоровка ауылы ирекмәндәре яугирга антидрон юрған бүләк итте.