Йәнә алғы һыҙыҡҡа. Ике аҙна ял иткәндән һуң, бөгөн махсус хәрби операция биләмәһенә яугирҙарҙың сираттағы төркөмө юлланды. Ғәҙәттәгесә, ил һаҡсыларын оҙатыу «Өфө-Арена» боҙ һарайы алдындағы майҙанда үтте. Яугирҙар ялдарының күпселек өлөшөн өйҙә яҡындары менән уҙғарған. Дәүләт кимәлендәге мәсьәләне хәл итергә улар күтәренке кәйеф менән юллана.
Яҡташтарыбыҙҙы хеҙмәт урынына махсус бүленгән автобустар илтә. Республикала яугирҙарҙың яҡындар һәм ғаилләәренә кеүек үк, масхус хәрби операция биләмәһенә лә ярҙам даими ойошорола - Башҡортостандан тейешле кәрәк-яраҡтар тейәлгән гуманитар ылауҙарн яу ерҙәренә йыш юллана.