Дәүләкән халҡы яугирҙарға ярҙам итә

Райондың Суйынсы ауыл биләмәһенә ҡараған ауылдарҙа “Беҙ бергә!”, “Үҙебеҙҙекеләрҙе ташламайбыҙ”, “Һалдаттарға ярҙам” тигән акциялар даими ойошторолоп тора. “Оло йәштәгеләр Ватанды һаҡлаусылар өсөн гуманитар ылау әҙерләүҙә ихлас ҡатнаша”, - ти урындағы Ветерандар советы рәйесе Розалия Ғәлиева.

Райондың Суйынсы ауылында хәйриә концерты ла үткән. Билет һатыуҙан йыйылған аҡса махсус хәрби операцияла хеҙмәт икән "Митяй" ҡушаматлы һалдатҡа ебәрелгән. Ул ошо ауыл егете. "Митяй" изге йөрәкле яҡташтарына рәхмәт әйтә.