Эстафетаны «Импакт» хәйриә фонды һәм «Тормош уты» социаль башланғыстарға ярҙам фонды менән берлектә Рәсәй федераль медицина академияһы башлап ебәргән.
Акцияның маҡсаты-лейкемия һәм башҡа ауыр сирле пациенттарҙы ҡотҡарыу мөмкинлеген арттырыу өсөн федераль һөйәк мейеһе донорҙары регистрына яңы донорҙар йәлеп итеү. Генетик яҡтан яраҡлы донор табыу ихтималлығы 10 меңгә 1 осраҡ ҡына тәшкил итә. Ярыштар башланған мәлдә 120 мең потенциаль донор булған, бөгөн был һан биш йөҙ меңгә еткән. Һөйәк мейеһе донорҙары федераль регистрына инеү өсөн 256 кеше килде.
Эстафетаға донъя рекордсыһы һәм марафонсы Артем Алискеров старт биргән. Билдәле активист үҙе йәшәү өсөн көрәшә. Ул 31 курс химия терапияһы алған. Әммә яман шеш уның рухын һындырмаған. Һөйәк мейеһе донорлығы амбассадоры булып, Артем был проблеманы әүҙем пропагандалай һәм кешеләрҙе донор булырға саҡыра. Хәҙер Артем үҙенең миҫалы менән мөмкин булмаған бер нәмә лә юҡлығын иҫбатлай. Проекттарҙың һөҙөмтәләрен ир километрҙар менән түгел, ә ҡотҡарылған ғүмерҙәр менән һанай. Өфө «Тормош уты»н ҡабыҙған 24-се ҡала. Киләһе ҡала- Ырымбур. Факел Алыҫ Көнсығышҡа тиклем барып етәсәк.