Сара Рәсәй көнө уңайынан уҙғарыла. Уның барышында балалар әҙәбиәте туплана. Акцияны Йәмәғәт палатаһы ойоштора. “Бөтә китаптар ауыл китапханаларына тапшырыла. Маҡсатыбыҙ яңы уҡыу йылы алдынан китап фондтарын байытыу”, - тип белдерҙе палата ағзаһы Рита Некрасова. 12 июндә китаптар Аксаков исемендәге баҡсала йыйыла. Сара көндөҙгө сәғәт 12-нән киске 8-гә тиклем дауам итә. 1 сентябргә тиклем балалар әҙәбиәтен Зәки Вәлиди урамындағы 40-сы йортта ҡабул итәләр. Былтыр проект барышында республика ауылдарына 1 меңдән ашыу китап тапшырылған.