Статистика мәғлүмәттәр буйынса, уҙған йылда 2 миллион 200 мең турист килгән. Был 2023 йылдағынан 5 процентҡа күберәк. Эшҡыуарлыҡ һәм туризм министры Зөһрә Гордиенко белдереүенсә, республикала тейешле инфраструктураны яҡшыртыуға ҙур иғтибар бирелә. Башҡортостан ял өсөн уңайлы шарттары тәҡдим итә. Яңы ҡунаҡхана комплекстары, туристик объекттар төҙөлә. Быйыл "Туризм һәм ҡунаҡсыллыҡ" милли проекты ғәмәлгә ашырыла. Бының өсөн 404 миллион һум ҡаралған.