Инвазив ысул менән башҡарылған операция 55 йәшлек иргә яһалды. Уның эсәгендә яман шеш диспансер тикшереү ваҡытында асыҡланған. Шеште тәүге стадияһында табыу һәм алып ташлау сирленең ғүмерен оҙонайтыуға булышлыҡ итә, ти хирургтар.
Клиникала йылына 11 мең операция эшләнә. Һуңғы биш йылда клиниканың матди- техник базаһын яңыртыу, заманса медицина техникалары менән байытыу һөҙөмтәһендә йылдан-йыл операциялар һаны арта. Көнөнә бында 60 операция үткәрелә.