Фиҙаҡәрлеккә - абруйлы награда. Башҡорт дәүләт академия опера һәм балет театрында ла һөнәри байрам уңайынан 200-ән ашыу медицина хеҙмәткәренең хеҙмәте һәм шәхси ҡаҙаныштары дәүләт һәм ведомство наградалары менән билдәләнде. Халыҡтың сәләмәтлеген хәстәрләп, тынғыһыҙ эшмәкәрлек алып барыусыларға Лука Крымский миҙалы, «Һаулыҡ һаҡлау отличнигы» билдәһе, Почет грамоталары һәм маҡтаулы исемдәр тапшырылды. Бүләкләнеүселәр араһында Ишембай үҙәк район дауаханаһының ультратауыш диагностикаһы табибы Рида Ғәҙелшина ла бар.