Республиканың ғәҙәттән тыш хәлдәр буйынса дәүләт комитетынан хәбәр итеүҙәренсә йыл башынан төбәктә 13 кешене йылан саҡҡан. Башҡортостан халҡы һөйрәлеүселәрҙең саманан тыш үрсеүенә һәм кеше йәшәгән урындарҙа күпләп осрауына зарлана.. 2025 йылда 112 системаһының шылтыратыуҙарҙы эшкәртеү үҙәгенә граждандарҙан йыландар тураһында 60-тан ашыу хәбәр килгән. Йыш ҡына һүҙ ағыулы булмаған туҙбаш йылан тураһында бара. Йыландар менән осрашҡанда ниндәй һаҡланыу сараларын үтәргә кәрәклеге хаҡында киләһе матераилда..
Руслан Ғәббәсов ғаиләһе менән еләккә барған. Әммә ул йылан сағыуын шунда уҡ абайламай. Өйгә ҡайтырға сыҡҡанда хәле насарая, аяҡтары шешә башлай. Зыян күреүсе шунда уҡ дауаханаға оҙатыла.
Ағыулы йылан тешләүен нисек айырырға.Туҙбаш йылан тешләгәндән һуң тирелә тишелгән ваҡ эҙҙәр генә тороп ҡала. Иң ҡурҡынысы- ҡара йыландар. Улар үҙ ҡорбандарының тәненә ике үткер тешен сәнсеп ағыу ебәреү һәләтенә эйә. Бынан һуң зыян күреүселә көслө шеш барлыҡҡа килә. Белгестәр әйтеүенсә, күптәр ҡан тамырҙары аша ағыу таралып өлгөрмәһен өсөн жгут һала, зыян күргән урынды яндыра һәм киҫеп, ағыуын һура.Әммә бындай ҡотҡарыу сараһы хәйерһеҙ, тип билдәләй табиптар.
Йыл башынан 112 системаһының шылтыратыуҙарҙы эшкәртеү үҙәгенә граждандарҙан йыландар тураһында 60-тан ашыу хәбәр ҡабул ителгән, 13 осраҡта һүҙ йылан тешләү тураһында барған.
Башҡортостанда йәшәүселәргә тәбиғәттә йөрөгәндә ябыҡ кейем һәм резина итек кейергә кәңәш ителә.Улар аша йылан тештәрен аяҡтарға хәтлем батыра алмаясаҡ. Баҡсаларҙа ла айырым һаҡлыҡ сараларын күреү кәрәк. Үләнде даими сабып торорға һәм йыландарҙы үҙҙәре йәшәгән урынға эйәләштермәҫ өсөн һыу баҫыуға юл ҡуймаҫҡа кәрәк.
Гүзәл Борханова