Әлегә иген һәм иген ҡуҙаҡлы культуралар 714 мең гектар майҙанда йыйылған, был дөйөм майҙандың яртыһы. Башҡортостан Ауыл хужалығы министрлығы мәғлүмәттәренә ярашлы, Стәрлетамаҡ районы күрһәткестәр буйынса алдынғы урында. Уңыш ҡеүәте уртаса гектарынан 40 центнер тәшкил итә. «Дуҫлыҡ» фермер хужалығы ҡарамағында 7 комбайн эшләй. Механизатор Хәлил Ғәбиҙуллин билдәләүенсә, һауа торошо тотороҡһоҙ булыуға ҡарамаҫтан, техника һынатмай.
Стәрлетамаҡ районы агросәнәғәт комплексын үҫтереү буйынса идаралыҡ баш агрономы Виктор Бульц әйтеүенсә, иген культуралары уңышы 250 мең тонна булыр тип көтөлә. Әлегә хужалыҡтар 13 мең гектар майҙанда рапс та йыя, гектар ҡеүәте-22 центнер. Шулай уҡ баҫыуҙа ужым культураларын сәсеү ҙә әүҙем бара.