Республика Башлығы кәңәшсеһе, Башҡортостан махсус хәрби операция ветерандары берлеге рәйесе Оскар Ситдиков интернетта фото һәм видео урынлаштырыусыларға иғтибарлы булырға кәңәш итте. - Беҙҙең подразделие урынлашҡан урындарҙа ябай кешеләрҙең фотоға, видеоға төшөрөү осраҡтары булды. Дошман техниканың номерын, маршрутты күрә. Ҡайһы бер кешеләр яуаплылыҡты аңламай, ә ҡайһы берәүҙәр Рәсәйгә зыян килтерергә теләй. Башҡортостанға килгәндә Радий Хәбиров халыҡ хәүефһеҙлеген тәьмин итергә тырыша. Сикләүҙәрҙе аңлап ҡабул итергә кәрәк, тине Оскар Ситдиков. Республика Башлығы пилотһыҙ осоу аппараттарын ҡулланыу тураһында һәр төрлө мәғлүмәтте таратыуҙы тыйыу тураһында указға ҡул ҡуйҙы. Бындай мәғлүмәтте рәсми сығанаҡтар ғына бирә ала.