Аяҙ һәм ҡояшлы шәмбе иртәһе экологик өмә өсөн уңайлы шарттар тыуҙыра. Тиҙҙән төбәк үҙенең 95 йыллыҡ юбилейын билдәләй. Уға әҙерлек сиктәрендә Аҡъяр ауылының төньяҡ-көнсығыш паркын төҙөкләндереү тулы ҡеүәттә бара. Яҡын арала бында махсус хәрби операцияла ҡатнашыусыларға һәйкәл ҡуйыласаҡ. «Йәшел Башҡортостан» акцияһы барышында бында 30 төп шыршы ултыртылды.
Экологик өмәгә ҡушылып урындағы халыҡ тыуған районын йәшелләндереүгә үҙ өлөшөн индерә. Төбәк властары билдәләүенсә, яңы аллея киләсәктә районда йәшәүселәрҙе һәм ҡунаҡтарҙы үҙенә йәлеп итеп торасаҡ. «Йәшел Башҡортостан» акцияһы барышында Хәйбуллалар 400-ҙән ашыу йәш үҫенте ултыртты.