Проекттың маҡсаты-төрлө район-ҡалаларҙа йәшәүсе 12-18 йәшлек үҫмерҙәрҙе үҙ башланғыстарын тормошҡа ашырыу аша ирекмәнлек эшенә йәлеп итеү. Хәүефһеҙ бала саҡ, мәҙәниәт һәм төҙөкләндереү-өс йүнәлеш һайлап алынған. Проектта остаз-уҡытыусылар, вожатыйҙар, директор кәңәшселәре етәкселегендә 5-10 кешенән торған командалар ҡатнаша. Былтыр ғына Башҡортостан башлығы грантына тормошҡа ашырылған проект 34 муниципалитеттан ете йөҙҙән ашыу үҫмерҙе берләштергән. Алты меңгә яҡын кешегә ярҙам күрһәтелгән.
Проект һөҙөмтәһендә балалар һәм үҫмерҙәр өсөн биш йәмәғәт киңлеге асыу ҡаралған. Уларҙың һәр ҡайһыһы 100 мең һумғаса финанслана. Дүрт миҙгел һөҙөмтәләре буйынса изге эштәрҙең иң яҡшы практикалары тупланған йыйынтыҡ сығарыла. Проект Ҡаланы үҫтереү йәмәғәт фонды тарафынан тормошҡа ашырыла.